Ekstraklasowe pożegnani Konwiktorskij było rychtyk ciekawym spotkaniym i niy rozchodzi sie samek yno o aspekt durś sportowy. Atmosfera była specyficzno. Już przed szpilym kibice z Warszawy zaczynali ,,dziynkować po królewsku" swoimu borokowatymu prezesowi Ireneuszowi K.
CZYTAJ KONIECZNIE:
ŚLONSKI FUSBAL: BLOG GRZEGORZA BUCHALIKA PO ŚLĄSKU
Niyskorzij na murawie było niy mynij gorko. Syndzia pokozoł aż 3 czerwōne kartki. Z czego dwie poleciały w ostatnich sekundach szpilu, przi okazji małej haji w stylu KSW/MMA czy inkszego pierōństwa, do kierej stanyli Robak i Przyrowski.
Oprócz tych pozafusbalowych emocji, były tyż i te tradycyjne, zgodne z regułami fair play, a te w piyrszej połowie zwiōnzane były przeważnie z atakami gospodorzy. Nojbardzij zafyrlało sie pod bramkōm Piasta, kej przody Trela ratowoł swoich w sytuacji sōm na sōm, a za chwila bal z linii bramkowej po szlagu Grzelczaka musioł wybijać Oleksy.
ZOBACZ KONIECZNIE:
POLONIA - PIAST ZOBACZ ZDJĘCIA Z NAJCIEKAWSZYCH AKCJI
W drugij połowie gra sie rozfechtowała i tera to Piast mioł wiyncyj do godki. Piyrszym sygnałym do warszawskij defynsywy, coby dać se pozōr bōł elegancki szlag Cicmana, kiery trafiōł w słupek bramki Przyrowskigo.
Gospodorze odpedzieli yno akcjōm Adama Pazio, kiery dobrze na szwōngu wloz z balym głymboko w szesnostka Piasta, ale jego szlag dobrze wybrōniōł Trela.
Potym Piast nazot przeniōs gra na drugo strōna co dało efekt w 67. minucie. Polonia po rogu gości niy poradziła zrobić do porzōndku ,,wyjazdu" spod swojij bramki, skuli czego bal w kōńcu dostoł sie pod nogi Marcina Robaka. Snajper z Gliwic klupnōł niy do obrōny i wynik w kōńcu sie otwar.
Niyskorzij po sześciu minutach Piast dostoł nastympny geszynk, tj. wiyncyj placu na boisku, z kierego za drugo żōłto kartka po faulu na Robaku śloz Baran. Zdało sie juz beztōż, że goście niy wypuszczōm trzech punktōw. Jednak na 10 minut przed kōńcym regulaminowego czasu gry w swoim szesnostku rynkōm zagrywo Oleksy. Dziynki tymu na pocieszyni kibicōw elwrowo brama za 1 punkt zdobywo Aleksandar Todorowski.
CZYTAJ KONIECZNIE:
ŚLONSKI FUSBAL: BLOG GRZEGORZA BUCHALIKA PO ŚLĄSKU
Bramek już niy było, ale za to kōnsek dramatyzmu wkludziyła nōm sytuacjo z 90. minuty. Robak za ambitnie powalczōł o bal i pofurgnōł w strōna tormana w stylu Jackie Chana. Przyrowski po niyspodziywanym ataku z luftu odwdziynczōł sie przeciwnikowi z kepki i za chwila oba grocze mōgli zbiyrać sie do szatni.
Po rymisie byniaminek z Gliwic jes czworty w tabeli, za Śląskiym, ale skuli przegranej Górnika, żodyn niy weźnie im już placu w pucharach. Polonia chwilowo zostowo zaroski za ich plecami, chocioż wiymy że hneda furgnie pora klas rozgrywkowych niżyj.
Piniōndz rzōndzi. Taki czasy. O losach Polonii w ostatnich latach bardzij niż fusbaliści decydowała ,,wielko trójka" Drzymała-Wojciechowski-Król. Werci sie spōmnieć, że Czorne Koszule tracōm sie z Ekstraklasy podobnie jak sie w nij 5 lot tymu znodli. Wtedy za piniōndze Wojciechowskigo kupili od Drzymały licyncjo Groclinu, tera skuli dziury w kapsie prezesa Króla lecōm zaś na dōł. Fortuna sie kulo rozmańcie...
Polonia Warszawa - Piast Gliwice 1:1 (0:0)
Bramy: Aleksandar Todorowski (81-elwer) - Marcin Robak (67)
Czerwōne kartki: Martin Baran (73-za drugo żōłto), Sebastian Przyrowski (90) - Marcin Robak (90)
Polonia: Sebastian Przyrowski - Aleksandar Todorovski, Igor Morozov, Martin Baran, Adam Pazio - Krzysztof Kopciński (69. Paweł Tarnowski), Tomasz Hołota, Łukasz Piątek, Jacek Kiełb (92. Mariusz Pawełek) - Daniel Gołębiewski (83. Sebastian Olczak), Piotr Grzelczak.
Piast: Dariusz Trela - Damian Zbozień, Adrian Klepczyński, Jan Polak, Paweł Oleksy - Tomasz Podgórski, Mateusz Matras, Artis Lazdins (84. Rudolf Urban), Pavol Cicman (72. Matej Izvolt) - Marcin Robak, Tomas Docekal (54. Ruben Jurado).
Grzegorz Buchalik, student z Żor, uwielbia grać w piłkę i relacjonuje po śląsku mecze ekstraklasy. Ślōnski fusbal ma udowadniać, że język śląski to nie tylko żarty, co nie znaczy, że żartów musimy usilnie unikać. Ślōnski fusbal ma przede wszystkim promować śląski język i sport. Teksty adresowane są nie tylko do Ślązaków, dla których godka jest językiem ojczystym, wyniesionym z domu. Grzegorz Buchalik pisze alfabetem łacińskim z tym, że dodaje jedną literę-samogłoskę, zapisywaną jako: ō (jak np. w wyrazach kōnsek", czy pozōr).
ZGADZASZ SIĘ Z AUTOREM BLOGA? JESTEŚ PRZECIW? SKOMENTUJ
*WIELKI FINAŁ: Najpiękniejszy Rynek w woj. śląskim ZAGŁOSUJ i ZMIEŃ WYNIK
*MISS ŚLĄSKA I ZAGŁĘBIA 2013: TEGO NIE ZOBACZYCIE W TELEWIZJI
*Maluch z Allegro: Fabrycznie nowy Fiat 126 z 1979 r. i wielki skandal
*Dni Miast 2013 [PROGRAM IMPREZ]: Chorzów, Będzin, Ruda, Sosnowiec, Wodzisław i inne!
Dołącz do nas na Facebooku!
Publikujemy najciekawsze artykuły, wydarzenia i konkursy. Jesteśmy tam gdzie nasi czytelnicy!
Dołącz do nas na X!
Codziennie informujemy o ciekawostkach i aktualnych wydarzeniach.
Kontakt z redakcją
Byłeś świadkiem ważnego zdarzenia? Widziałeś coś interesującego? Zrobiłeś ciekawe zdjęcie lub wideo?