Spotkani Ruchu z Śląskiym ni mo już takij stawki jak łōńskigo roku. Teroski Chorzów w Ekstraklasie wachuje zadku tabeli, a Śląsk darymnie próbuje dobijać sie do czołōwki. Chocioż goście rychtyk sōm w tabeli trocha wyżyj, wyraźnego faworyta przed szpilym ciynżko było pokozać. Ruch po wklupaniu Widzewowi 3:0 bōł na szwōngu i u sia ni mioł zamiaru siednōnć na zolu i podziwiać mistrzōw z Wrocławia.
Szpil jednak niy ułożōł sie do ,,Niebieskich" nojlepij. Goście kludziyli już od 9. minuty. Po akcji Kaźmierczaka obrōna Ruchu zostowo bez słowa. Grocz Śląska przody przijmuje bal w środku pola tak, że za jednym szlagiym robi se dwóch przeciwnikōw. Za chwila podjyżdżo kōnsek bliżyj i elegancko cyluje z dystansu. Wysztrekowany w lufcie Pesković niy poradzi już ani szmyrnōnć bala, kiery furgnie praje w sōm winkel. Pora szpilōw w tyn weekend jeszcze przed nami, ale zdo sie, że już idzie nazwać to golym kolejki.
CZYTAJ KONIECZNIE:
BLOG GRZEGORZA BUCHALIKA: ŚLONSKI FUSBAL
Niyskorzij z odlygłości piynciu metrōw od bramki odpedzieć mōg Jankowski. Niystety po szlagu głowōm chorzowskigo napastnika, bal furgnie nad latōm pustyj już bramki. Gola ni ma, ale widać, że teroski na boisku to Ruch przejōn inicjatywa i mo wiyncyj do godki.
Po przerwie sytuacjo wiela sie niy zmiyniła. Śląsk liczōł głównie na kōntry, ale tak rychtyk marzōł już chyba yno o dowieziyniu swojigo 1:0 do ostatnigo gwizdka. Tryner Zieliński wzion sie beztōż za wzmacniani ofynsywy. Na boisku pojawiyli sie Kuświk i Panka. Wkludzyni tych dwóch groczy to chyba nojlepszo decyzjo szkolyniowca ,,Niebieskich" tego dnia.
Piyrszy ze spōmnianych rezerwowych mōg zabłysnōnć już hneda po tym jak wloz. Po wartkij akcji Ruchu na prawym skrzidle, bal wciepany jes na 5 meter, kaj głowōm próbuje szczylać właśnie Kuświk. Wiela niy brakowało. Na tablicy jednak sztyjc 0:1.
Goście kōnsekwyntnie liczōm na kōntry i trza prziznać, że roz udało sie synkōm trocha miyndzy sobōm poklepać. Piyknie wykludzōno akcjo szlagiym wykańczo Mila. Pesković tym razym jednak ni mo problymōw. Klyj w rynkawicach. Chwila niyskorzij z ostrego kōnta bramkorza gospodorzy sprawdzoł jeszcze Sobota, ale w tym tydniu sobota to raczyj niy jego dziyń. Zaś pewnie chyto Pesković.
W ostatnich minutach goście ni mieli już durś nic do godki. Ruch ścisnōł ich do obrōny tak, że tamci pomału grali już yno na ,,wyjazd". Ruch w tym szpilu oddoł 2 razy wiyncyj szlagōw niż rywale, ale tak rychtyk w światło bramki bal poszoł yno tyn jedyn roz.
Jak sie szczylo pokozoł kamratōm reprezyntant Litwy. W trzecij minucie doliczōnego czasu gry z roga bal cyntruje Marek Zieńczuk. W środku cyntry żodyn skutecznie niy przecino, beztōż bal furgnie na długi słupek, kaj znodzie sie zaro niywachowany Migdaugas Panka. Szlag z bliskij odlygłości lōnduje w siatce. 1:1 i na Cichej robi sie butel!
Ruch bydzie chcioł iś jeszcze za ciosym, ale wynik już taki zostanie. Gospodorze zasłużyli se na tyn jedyn punkt. W tabeli jednak wiela to niy zmiyni. Ruch zostanie na 14. placu, Śląsk na 5.
Grzegorz Buchalik, student z Żor, uwielbia grać w piłkę i relacjonuje po śląsku mecze ekstraklasy. Ślōnski fusbal ma udowadniać, że język śląski to nie tylko żarty, co nie znaczy, że żartów musimy usilnie unikać. Ślōnski fusbal ma przede wszystkim promować śląski język i sport. Teksty adresowane są nie tylko do Ślązaków, dla których godka jest językiem ojczystym, wyniesionym z domu. Grzegorz Buchalik pisze alfabetem łacińskim z tym, że dodaje jedną literę-samogłoskę, zapisywaną jako: ō (jak np. w wyrazach kōnsek", czy pozōr).
*Ranking szkół nauki jazdy 2013
*Restauracja Rączka gotuje otwarta ZOBACZ ZDJĘCIA
*Granica polsko-niemiecka 1922 na Górnym Śląsku [SENSACYJNE ZDJĘCIA]
*Podziemny dworzec autobusowy w Katowicach działa! [ZDJĘCIA]
Dołącz do nas na Facebooku!
Publikujemy najciekawsze artykuły, wydarzenia i konkursy. Jesteśmy tam gdzie nasi czytelnicy!
Dołącz do nas na X!
Codziennie informujemy o ciekawostkach i aktualnych wydarzeniach.
Kontakt z redakcją
Byłeś świadkiem ważnego zdarzenia? Widziałeś coś interesującego? Zrobiłeś ciekawe zdjęcie lub wideo?