List do DZ: Ślonsko petycjo do Sejmu Rzeczpospolity

Wysoki Sejmie
Wysoki Sejmie Rzeczpospolity/Chciyj krziwda swojo naprawić/ Ślonzok mo godka - łostanie przi tym/Jom dzieckom swojim śmiy jawić

Tako tu było richtig łod zowdy/Kto prziloz tego niy zmiynioł/ Fałszym niy przikrył przeca ty prowdy/Swojego cołkym niy wtrynioł

Ech, słowo ślonske leci ze duszy/W niym mlyko matki, krew fatra/ Nigdy niy pódzie tego zagłuszyć/Blyszczy jak w gorach kajś watra

Dyć jest ustawa - ta myńszościowo/Co nos ze godki łodziyro/ Prawo bezprawiym tako sie stowo/Choć łod niydugo dopiyro

Wysoki Sejmie - Ślonzok z Kaszubym/Niy jako pila co gyngo/ Ustawa zdo sie biczyskym rubym?/Demokracyjo go siyngo?

Darmo w registrze klarownie wyszło/Jako durś w doma godomy/ We kont etniczność naszo tym wcisło/Z czasow Hakaty to momy

Ślonzok swoj jynzyk mo ciyngym w zocy/Choć wyśmiywany łoszkliwie/Łon mu we życiu dokłodoł mocy/Toż prawić idzie ło dziwie

Wysoki Sejmie - zmiyń to bezprawie/Etniczni my jynzykowo/ Naprow zło kere siedzi w ustawie/I uchwol tako na nowo

Wiydz, że ze krziwdy dobra niy bydzie/Matactwo grzychym jest zowdy/Zocność ze prawym we porze idzie/A petycyjo skiż prowdy.

[i]Bronisław Wątroba

CZYTAJ WIĘCEJ LISTÓW DO REDAKCJI DZIENNIKA ZACHODNIEGO

Nasz adres: "Dziennik Zachodni" Media Centrum, ul. Baczyńskiego 25a, 41-203 Sosnowiec
[email protected]

PODOBAŁ CI SIĘ LIST? NAPISZ KOMENTARZ

* CZYTAJ KONIECZNIE:

*NAJZABAWNIEJSZE ŚLĄSKIE SŁOWA - WYNIKI PLEBISCYTU
*WSTRZĄSAJĄCA HISTORIA ŚMIERCI MAGDY Z SOSNOWCA - POZNAJ SZCZEGÓŁY
*Codziennie rano najświeższe informacje z woj. śląskiego prosto na Twoją skrzynkę e-mail. Zapisz się do newslettera

*ALE FUTURYSTYKA! Zobacz jak będą wyglądać Katowice w 2015 roku. WIZUALIZACJE
*Niesamowicie GORĄCE DZIEWCZYNY na mroźne dni. Zobacz FOTKI Queen Śląska i Zagłębia