Ślonski fusbal: Byli, sōm, bydōm – pora słōw ô Grubiorzach WIDEO

Jak 4 grudnia to Barbōrka, jak Barbōrka to fajrowani. Jak fajrowani to gybōrstag. I zaś na tapecie zobrzański Górnik… Klub szportowy je jak familijo. W nikerych kōnskach świata ofyn godo sie, że do familiji noleżōm ci co sam byli, ci sam sōm i ci co sam bydōm. To dobro lekcjo do klubōw, kere coby dobrze fōngować muszōm sztyjc dować pozōr na to co je, co bydzie, ale i na to co było. Dobrze zagrać szpil, trynować bajtli, i szanować starych groczy… Górnik-dzisio wygrywo z Wisłōm 3:2 i kludzi w Ekstraklasie, Górnik-jutro trynuje łebōni, kerzi już wygrywajōm im szpile, a Górnik-wczora sztyjc żyje sukcysami z lot 60. a 70.