Dral: Szpacyrkiem po Cieszynie - Rozcióngnóć tepichy

Fryderyk J. Dral
"Gdo sie za swój jynzyk wstydzi, takim niech sie każdy brzidzi"

Nie wiym, czy mi sie udo namówić łojców miasta do postawiynio tych dziesiyńć muzeów, bo jak nimieli grosza na kupiyni autobusowego dworca, to tym tuplym nie bydóm wydziwiać s inkszymi wiecami. Bez roboty by to mieli, jakby sie im udało łopucować banhof na Kolejowej i tam chocioż rozcióngnóć tepichy, coby sie ludzie nie zmazali, jakby prziszli łobezdrzić, jako to kiejsi sie bilety przedowało.

Znaszło by sie eszcze pore takich pochyniónch fabryk, w kierych Cieszyniocy mieli kiejsi robote, a dzisio jyno tam wiater śmieci rozganio, abo przedujóm tam jakisi stare, wyświechtane galaty, jakle, abo insze szaty. Popisane też je wszecko, kaj sie jyno do w tej śmiysznej czeski rzeczy i potym człowiek nie wiy, kaj je, czy eszcze w Cieszynie, czy uż na Zaolziu.

Dejmy na to w tej kiejsi pieknej drukarni dowiymy sie, że przedujóm tam "slevy", "zbożi", a "nabytek", a do tego eszcze wymiynióm wóm całom łoblyczke, kieróm żeście kupili na wiosne, na zimowe jakle i mantle.

Kónszczek dalij je ta staro eszcze przedwojynno drukarnia, kierej też żodyn nie darowoł i powylepioł na ni co sie jyno dało. Nóndymy tam jakisikej kancnaryje, kościół nieznómej mi wiary, a ku tymu ogłoszyni, kómu mogymy zaniyś plastikowe szpunty do zakryncanio. Jakby tego chybiało, to eszcze mogymy se tam przeszyć galaty, jak nóm przibyło brzucha, a ku tymu nauczóm nas jeździć na aucie, kiere mómy se zamiar kupić. Zaś za winklym namowiajóm nas, coby se nónś swoji miejsce na ziymi i sie uż nie szolóntać po Cieszynie, bo i tak nie nóndziecie tu żodnej roboty.

A teraz zaś fajny wic:

- Milaczku mój - prawi baba do swojigo chłopa.
- Przed wiesielim toś mi kupowoł rozmajte piekne rzeczy, a teraz uż ani kwiotka mi nie kupisz!
- A widziałaś ty, coby wynkorz kormił rybe, jak uż jóm chyci?

Mjyjcie sie wszedcy dobrze i wiesiołego popióntku.


*Śtowarzyszenie Ślązaków legalne. Sąd uznał narodowość śląską? CZYTAJ TUTAJ
*Gwarki 2012, czyli bez pochodu nie ma zabawy ZOBACZ ZDJĘCIA
*KONKURS MŁODA PARA: Przyślij zdjęcia, zgarnij nagrody!

Codziennie rano najświeższe informacje z woj. śląskiego prosto na Twoją skrzynkę e-mail. Zapisz się do newslettera

Wideo

Komentarze 5

Komentowanie artykułów jest możliwe wyłącznie dla zalogowanych Użytkowników. Cenimy wolność słowa i nieskrępowane dyskusje, ale serdecznie prosimy o przestrzeganie kultury osobistej, dobrych obyczajów i reguł prawa. Wszelkie wpisy, które nie są zgodne ze standardami, proszę zgłaszać do moderacji. Zaloguj się lub załóż konto

Nie hejtuj, pisz kulturalne i zgodne z prawem komentarze! Jeśli widzisz niestosowny wpis - kliknij „zgłoś nadużycie”.

Podaj powód zgłoszenia

J
Jozik
Toz to przeca poymat w porowaniu ze inkszymi mondrosciami szkryflanymi w ich polityczno-literackim jynzyku.
I kaj jest problym? No jedyn widza - my niy znomy wulgaryzmow.
Piyknie pozdrowiom.
G
Grzegorz z Dangi
Zocno redakcyjo! Róbcie dalij tak, publikujcie czyńścij teksty po ślónsku...
A
Andrzej Skupiński
Mieszkałem w cudownym mieście Cieszynie przez 3 lata (1971 - 74). Byłem bowiem pierwszym studentem cieszyńskiej Alma Mater! To najpiękniejsze wspomnienia z mej młodości!
Toz trzimcie sie Cieszynioki i patrzcie tam jako!!!
Toluś
B
Bykowiniok
Piyknie naszkryflane ,wszysko zech pochytou.Pyrsk Kamraty.
K
Kapke Cieszyniok
W pięknym języku Śląska Cieszyńskiego
Dodaj ogłoszenie