Okozuje sie, że zima zaskakuje niy yno polskich drōgowcōw, ale tyż fusbalistōw. W piyrszych minutach niedzielnego szpilu w Szczecinie na boisku mielimy lekki bajzel. Bardzij wyglōndało to na kopanina łebkōw na szkolnym boisku niż gra ekstraklasowcōw. Ni ma na co sie dziwać...
CZYTAJ KONIECZNIE:
BLOG GRZEGORZA BUCHALIKA: ŚLONSKI FUSBAL
Jedyny szlag w światło bramki bez cołko piyrszo połowa doł zaroski brama. Sytuacjo z 41. minuty była jednocześnie chyba nojlepszōm akcjōm tej czynści spotkanio. Piykny bal na wolny plac dostowo wtedy Ruben Jurado. Hiszpan zlatuje z prawego skrzidła w szesnostka i kej zdo sie już, że za chwila oddo szlag, decyduje sie jednak na dograni. Decyzjo trza pochwolić, bo bal zawiniynty po zolu trefio gynał do Tomasa Docekala, kiery z bliskij odlygłości pewnie otwiyro wynik tego szpilu.
W drugij połowie dziwōmy sie na ciōng dalszy z serii ,,Gwiazdy tańcujōm na lodzie". Tym razym zaczyno sie jednak ciekawij. Już w 48. minucie w swoim szesnostku fauluje zdobywca gola, Docekal. Do bala podłazi Edi Andradina. Doświadczōny brazylijski fusbalista ni mioł chyba jednak tego dnia dobrze nasztelowanego cylownika. Szlag wele słupka...
Znerwowani Portowcy ciepli sie do ataku. W 55. Minucie tyn sōm Edi próbowoł z dystansu. Tym razym trefiōł w światło, na szczynści torman Piasta bōł czujny. Hneda tyż szlagiym zza szesnostki odpowiado Podgórski, a Pernis zaliczo jeszcze lepszo parada niż chwila pryndzyj Trela.
Goście jednak dopnōm swojigo zaroski po wznowiyniu z roga. Przi cyntrze obrōńcy gospodorzy bydōm stoć choby przispawani do zola, a miyndzy nimi elegancko w lufcie znojdzie sie Docekal. Czech zdobywo głowōm swojigo drugigo gola w tym szpilu i już trzecigo na wiosna. 2:0.
Gospodorze już nic niy zmiyniōm. Odnotować trza jeszcze yno gryfnego woleja w wykōnaniu niy kogo inkszego jak Docekala, kiery mioł ewidyntnie tego dnia smaki na hat-tricka. Wiyncyj już jednak niy pomaszkeciōł. Piast prziwiezie du dōm zasłużōne 3 punkty.
Pogoń Szczecin - Piast Gliwice 0:2 (0:1)
Bramki: Tomas Docekal 41. i 63. min.
Pogoń: Dusan Pernis - Przemysław Pietruszka, Maciej Dąbrowski, Emil Noll, Peter Hricko (67. min. - Wojciech Golla) - Mateusz Lewandowski (60. min. - Adrian Budka), Takuya Murayama, Maksymilian Rogalski, Takafumi Akahoshi, Edi Andradina (67. min. - Tomasz Chałas) - Donald Djousse
Piast: Dariusz Trela - Damian Zbozień, Łukasz Krzycki, Jan Polak, Adrian Klepczyński - Pavol Cicman (90. Min. - Wojciech Lisowski), Radosław Murawski (63. Min. - Artis Lazdins), Mateusz Matras, Ruben Jurado (84. min. - Tomasz Bzdęga) - Tomasz Podgórski, Tomas Docekal
Grzegorz Buchalik, student z Żor, uwielbia grać w piłkę i relacjonuje po śląsku mecze ekstraklasy. Ślōnski fusbal ma udowadniać, że język śląski to nie tylko żarty, co nie znaczy, że żartów musimy usilnie unikać. Ślōnski fusbal ma przede wszystkim promować śląski język i sport. Teksty adresowane są nie tylko do Ślązaków, dla których godka jest językiem ojczystym, wyniesionym z domu. Grzegorz Buchalik pisze alfabetem łacińskim z tym, że dodaje jedną literę-samogłoskę, zapisywaną jako: ō (jak np. w wyrazach kōnsek", czy pozōr).
*Ranking szkół nauki jazdy 2013
*Restauracja Rączka gotuje otwarta ZOBACZ ZDJĘCIA
*Granica polsko-niemiecka 1922 na Górnym Śląsku [SENSACYJNE ZDJĘCIA]
*Podziemny dworzec autobusowy w Katowicach działa! [ZDJĘCIA]
Dołącz do nas na Facebooku!
Publikujemy najciekawsze artykuły, wydarzenia i konkursy. Jesteśmy tam gdzie nasi czytelnicy!
Dołącz do nas na X!
Codziennie informujemy o ciekawostkach i aktualnych wydarzeniach.
Kontakt z redakcją
Byłeś świadkiem ważnego zdarzenia? Widziałeś coś interesującego? Zrobiłeś ciekawe zdjęcie lub wideo?