Darymnie ukłodo sie ta kolejka do ślōnskich ekip. O porażce Górnika ciynżko bydzie wartko zapōmnieć. Teroski przegrywo jeszcze Ruch. ,,Niebieskim" noleżōm sie jednak pochwały za walko do kōńca po wartkim stracyniu dwóch podstawowych groczy (kōntuzje Jankowskigo i Zieńczuka), a niyskorzij tyż dwóch goli.
Zdo sie, że gospodorze lepij wleźli w szpil. Od poczōntku fest groźny pod bramkōm Ruchu bōł Maciej Korzym. Już w piyrszych minutach kielecki fusbalista znod sie oko w oko z Peskoviciym. Za piyrszym razym lepszy okozoł sie jednak torman z Chorzowa. Inaczyj było już w 32. minucie. Tym razym to Pesković ni mo nic do godki i jes 1:0.
Na nojlepszo okazjo Ruchu w piyrszej połowie dziwalimy sie jakiś 5 minut przed przerwōm. Po cyntrze z wolnego piykny kōnsek placu na piōntym metrze znod se Baszczyński. Jego szlag głowōm leci jednak minimalnie nad latōm.
Drugo połowa niy zaczyno sie do Ruchu nojlepij. W 55. minucie gola z elwra zdobywo Paweł Golański. Jedynostek tyn trza nazwać conajmij pierōnym kōntrowersyjnym.
Ruch na szczynści niy siednōł i hneda poradziōł piyknie odpedzieć. W 63. minucie na połowie przeciwnika z balym fechtuje sie ,,Baszczu", kiery zaroski tyż podowo do Sultesa, a tyn zagrywo prostopadły bal ,,miōd-malina-ostrynżyna". Obrōńcōm urywo sie Starzyński i elegancko kōńczy akcjo szlagiym po długim rogu. 2:1 i sztyjc sōm my w grze.
Fusbaliści z Chorzowa ciepli sie do ataku jak psy na wōszt. Do kōńca szpilu wynik bōł niypewny. Okazje były, ale niystety brakło czasu coby wytargać chocioż tyn 1 punkt. Wracōmy du dōm z niczym. W tabeli sztyjc trzeci plac od kōńca.
Korona Kielce - Ruch Chorzów 2:1 (1:0)
Bramy: Maciej Korzym (32. - 1:0), Paweł Golański (55. - 2:0, elwer) - Filip Starzyński (63. -2:1) Korona: Małkowski - Golański, Stano, Kijanskas, Lisowski - Jamróz (46. Stąporski), Jovanović, Lenartowski, Janota (64. Sierpina), Foszmańczyk (75. Zawistowski) - Korzym Ruch: Pesković - Djokić, Szyndrowski, Stawarczyk, Konczkowski (86. Kikut) - Zieńczuk (5. Sultes), Panka, Malinowski (59. Tymiński), Starzyński, Janoszka - Kuświk żółte kartki: Janota - Djokić, Kuświk, Kikut.
Dołącz do nas na Facebooku!
Publikujemy najciekawsze artykuły, wydarzenia i konkursy. Jesteśmy tam gdzie nasi czytelnicy!
Dołącz do nas na X!
Codziennie informujemy o ciekawostkach i aktualnych wydarzeniach.
Kontakt z redakcją
Byłeś świadkiem ważnego zdarzenia? Widziałeś coś interesującego? Zrobiłeś ciekawe zdjęcie lub wideo?